"التعلق المرضي"
سألت نفسك يعني أي تعلق مرضي، أو يعني أي تعلق أصلا؟.
هل أنت متعلق بشخص وشايفه أهم شئ في حياتك ومن غير وجودة حاسس إنك ضايع وتايهه؟..
إٕجابتك على السؤال التاني هتوضح الاجابة بالنسبة ليك، وهل دا تعلق مرضي أو تعلق بسيط ؟..
التعلق البسيط:
هو أنك تتعود على وجود شخص في حياتك، يومك بيبتدي بوجوده وكمان ينتهي بوجودة، شخص بترتحله وتحب تكلم معاه، هو أول وآحد بتجري عليه وقت أم تكون فرحان أو زعلان..
التعلق المرضي:
تتعود على وجودة، لكن بدرجة أعلي، بيكون إدمان، زي إدمان المخدرات بالظبط ويكاد يكون أسوء، شخص بتحبه، بترتاح في وجوده، أول شخص تحب تتكلم معاه، أول ما تصحا تكلمه، وقبل ما تنام، بتحكيله كل لحظة بتحصل في حياتك بالتفصيل، بتحس معاه بالأمان هو بس، ودا موجود في علاقات الصداقة العميقة وعلاقات الحب، والجواز كمان، وساعات يبقا موجد بين المخطوبين، متعلق بيه لدرجة لو قلك أعمل كدا هتعمل زي ما يطلب مش هتفكر أصلا، أنت هتنفذ الي بيقوله بالحرف، المهم أنه يكون موجود في حياتك وبس، أي كان الطربقة...
التعلق دا خطر جدا..
أنت بتخاف علي مشاعرة أكتر من مشاعرك،
ما بتاخدش أي قرار في حياتك إلي برأيه هو،
يعني أنت شخصيتك ملغية وهو مسيطر،
دايرة مقفولة هو وسيطك للعالم الخارجي، حقيقي الناس دي صعبانه عليا، دا مش حب ولا غيرة ولا خوف،دا مرض..
بيموت الشخص بالتدريج، مجرد ما الشخص يختفي من حياتك أنت هتنهار وتموت بالبطئ، علشان كدا غالباً الأشخاص دول ربنا بيعاقبهم، عشان اتعلقوا بحد غير ربنا،
علقوا نفسهم بالمخلوق ونسيوا الخالق، وغالبا بيكون العقاب إختفاء الشخص من حياته، أسوء عقاب بالنسبالهم ،
أنت لو متعلق بحد أبعد بالتدريج، اسأل نفسك أنا ليه متعلق بيه، وهو مهم للدرجادي في حياتي،غيابه هياثر عليا ، أبدأ بالتعافي والحق نفسك قبل ما تلبس في الحيطة...
وردد ديما "اللهم لا تعلق قلوبنا وأرواحنا وانفسنا إلي بك"
عافنا الله وعافكم...
مع تحيات /اوركيدا 🍁.